Rusiya “Orta və kiçik mənzilli raketlərin ləğvi” müqaviləsindən çıxacağı vaxtı açıqlayıb

Rusiya altı ay ərzində “Orta və kiçik mənzilli raketlərin ləğvi” müqaviləsində iştirakını dayandıracaq.

“Report” “Yeniakıt”a istinadən xəbər verir ki, bu barədə Rusiyanın Xarici İşlər Nazirliyi açıqlama yayıb.

Qeyd edək ki, ABŞ-ın dövlət katibi Maykl Pompeo cari il fevralın 2-də 1987-ci ildə keçmiş SSRİ ilə Birləşmiş Ştatlar arasında imzalanan mənzili 500-dən 5 500 km-ə qədər olan nüvə başlıqları daşıya bilən raketlərin qadağan olunmasına dair “Orta və kiçik mənzilli raketlərin ləğvi” müqaviləsində iştiraklarını dayandırdıqlarını bildirmişdi.