Ölkəyə daxil olan narkotikin qarşısı alındı

İrandan Azərbaycana narkotik vasitənin keçirilməsinin qarşısı alınıb.

DGK-dan Millətçilik.az-a verilən məlumata görə, Biləsuvar Gömrük İdarəsinin Gömrük hüquqpozmalarına qarşı mübarizə şöbəsinə daxil olan əməliyyat məlumatı əsasında, idarənin “Qoşa Təpə” gömrük postunda İrandan piyada gələn Azərbaycan vətəndaşı saxlanılıb.

Vətəndaşın üzərində şəxsi yoxlama zamanı onun daxili orqanında (düz bağırsağında) 4 ədəd bükümdə, ümumi xalis çəkisi 177,834 qram olan narkotik vasitə – heroin aşkar edilib.

Faktla bağlı araşdırma aparılır.