Latviya – Azərbaycan matçının hakimləri müəyyənləşib

Futbol üzrə Latviya və Azərbaycan yığmaları arasında keçiriləcək yoldaşlıq görüşünün hakimləri müəyyənləşib.

“Report”un məlumatına görə, qarşılaşma belaruslu briqadaya həvalə olunub.

Baş hakim Denis Şerbakova Yuri Kromçanka və Andrey Xetsikov yan xətt hakimləri kimi kömək edəcək. Dördüncü hakim funksiyasını isə latviyalı Aleksandr Anufriyev yerinə yetirəcək.

Qeyd edək ki, iyunun 9-da Riqadakı “Dauqava” stadionunda təşkil olunacaq qarşılaşma Bakı vaxtı ilə saat 19:00-da başlanacaq.