İran ordusu Türkiyə-İraq sərhədində hərbi təlimlər keçirir

İran Silahlı Qüvvələri Türkiyə-İraq sərhədboyunda hərbi təlimlərə başlayıb.

“Report” “Haberturk”ə istinadən xəbər verir ki, bu barədə İran ordusuna aid sayt məlumat yayıb.

Təlimlər Qərbi Azərbaycan əyalətinin Urmiya şəhəri yaxınlığında Quru Qoşunları komandanlığı altında “Bir hədəf, bir güllə” şüarı ilə keçirilir.

Təlimlərin keçiriləcəyi əvvəlcədən elan edilməyib. Təlimlərə İran Silahlı Qüvvələrinin baş komandanı general Əbdülrəhim Musəvi də qatılıb.

Məlumata görə, təlimlərdə aviasiya da iştirak edir.