Erməni ordusunda çaxnaşma davam edir.

Bu günlərdə Ermənistan Müdafiə Nazirliyinin daha bir zabiti barədə rüşvətalma maddəsi ilə cinayət işi başlanıb.

Milletcilik.az xəbər verir ki, İrəvan şəhəri Lvov küçəsi 29 ünvanda yaşayan Karen Hovanisyandan orduya yenidən qayıtmaq üçün 3 min ABŞ dolları məbləğində rüşvət tələb olunub.

Rüşvətalma faktı ilə əlaqədar hərbi hissənin qərargah rəisi vəzifəsində xidmət edən kapitan Hamlet Levonyan barədə cinayət işi açılıb, istintaq aparılır.

Fakt sübuta yetirilərsə H.Levonyan “xidmətini” dəmir barmaqlıqlar arasında davam etdirəcək.